Investigadores da Universidade Autónoma de Barcelona e a Universidade Autónoma de Madrid coordinaron un un estudo comparativo europeo que analiza como os menores, principalmente de entre seis e sete anos, utilizan internet e os novos dispositivos dixitais no ámbito familiar. Úsanos principalmente para xogar e ver debuxos animados e menos frecuentemente en tarefas educativas. Trátase do primeiro informe comparativo destas características no que participa España.
A Fundación Vodafone España estivo presente no Mobile World Congress celebrado en Barcelona do 22 ao 25 de febreiro de 2016. Os asistentes tiveron oportunidade de coñecer as solucións do seu programa Conectados pola Accesibilidade que pode seguirse a través do hashtag #conecta2Xaccesibilidad.
O Índice da Economía e a Sociedade Dixitais da CE, presentado hoxe en Bruxelas, sinala que España está entre os países da Unión Eueropea que máis desenvolveron o seu potencial dixital o pasado ano. A pesar diso, segue estando lixeiramente por baixo da media da UE e ocupa o posto 15 entre os 28 estados membros. Dinamarca, os Países Baixos, Suecia e Finlandia mantéñense nas primeiras posicións, segundo este documento.
