A Xunta, a través da Axencia para a Modernización Tecnolóxica de Galicia (AMTEGA) e a Consellería de Cultura, Educación e Ordenación Universitaria, vén de completar o proceso de dixitalización de todas as aulas públicas dos cursos 5º e 6º de Primaria, 1º,2º,3º e 4º da ESO e Bacharelato. Así o fixeron saber estes dias os devanditos departamentos autonómicos, engadindo que grazas aos devanditos traballos, “120.000 alumnos e 6.000 aulas de preto de 900 centros públicos contan con, polo menos, un kit de aula dixital, composto por encerado dixital interactivo, vídeo proxector, computador portátil para o posto de profesor, ademais da conectividade da aula”.
