A Dirección Xeral de Xuventude, Participación e Voluntariado porá en marcha nas vindeiras semanas un novo servizo de videochamada para que os mozos e mozas poidan asesorarse e formular as súas consultas aos profesionais do Quérote+. Ata o momento os usuarios do Quérote+ podían facer as súas consultas de forma presencial, telefónica, on-line ou por mensaxería instantánea a través de aplicacións como Whatsapp ou Telegram e agora tamén o poderán facer a través de videochamada con Skype e Hangouts.
Por sétimo ano consecutivo celébrase a campaña Get Online Week, un evento anual coordinado pola Asociación Europea de Telecentros no que participan 19 países europeos e que superou os 800.000 participantes, e que por quinto ano celébrase en España da man da ACRT, quen programou unha serie de actividades nos máis de 3000 telecentros que forman a súa rede.
A Fundación Vodafone España incentiva o desenvolvemento e a innovación nas TIC outorgando catro premios dotados con 15.000 euros cada un. O prazo de presentación de proxectos finaliza o 5 de maio de 2016.
