A iniciativa eHeart, liderada pola firma Conexiona Telecom, con sede na Tecnópole de Ourense, vén de gañar o premio ao mellor proxecto español de innovación no ámbito das tecnoloxías de saúde e vida activa, concedido pola Asociación de Empresas de Electrónica, Tecnoloxías da Información, Telecomunicacións e Contidos Dixitais (AMETIC).
O campionato mundial de modelado 3D de precisión con móbil D3Mobile Metrology World League, certame promovido polo grupo de investigación USCAN3D da Escola Politécnica Superior do Campus de Lugo, terá presenza dende hoxe en dous importantes foros científico-tecnolóxicos a celebrar en Bruxelas. Trátase de dous encontros impulsados pola iniciativa europea Scientix e nos que as investigadoras da USC Mariluz Gil Docampo e Teresa Rego Sanmartín presentarán as características e os obxectivos da D3Mobile Metrology World League, unha iniciativa dirixida a potenciar as vocacións científicas en estudantes de ensinanzas medias de todo o mundo.
Persoas afectadas por Alzheimer, autismo ou demencia e mesmo os máis peques da casa e até as mascotas, poden desorientarse e perderse coa consecuente preocupación dos seus familiares; con estes localizadores sempre se pode saber onde están os seus seres queridos.
