A compañía francesa Dassault Systèmes finalizou o desenvolvemento do primeiro modelo virtual en tres dimensións dun corazón humano completo, que captura tamén o seu comportamento eléctrico e mecánico. O desenvolvemento poderá aplicarse no diagnóstico, tratamento e prevención das afeccións cardíacas, a través de modelos virtuais en 3 D personalizados, e a mellorar a fabricación de dispositivos médicos.
O proxecto Aparka, creado por Emaús Bilbao, presentouse na conferencia europea sobre mobilidade ECOMM14, espertando o interese de varias empresas e organizacións europeas. Trátase dun innovador sistema de aparcadoiro seguro para bicis que ofrece traballo a persoas en risco de exclusión.
