A Escala San Martín é o primeiro instrumento no ámbito internacional que avalía a calidade de vida de persoas adultas con discapacidades significativas (i.e., persoas con discapacidade intelectual que requiren apoios extensos e xeneralizados, con outras posibles condicións asociadas). Permite identificar o perfil de calidade de vida con evidencias de validez e fiabilidade para a posta en marcha de prácticas baseadas na evidencia e o deseño de plans individuais de apoio.
Os datos do Instituto Nacional de Estatística (INE) sinalan que o 36,6% das persoas con certificado de discapacidade eran activos en 2012, unha taxa 40 puntos inferior á da poboación sen discapacidade (77%). En canto á taxa de emprego, apenas alcanzaba ao 24,5%, mentres que a de paro era do 33,1%. Estas cifras tan elevadas levaron a poñer en marcha estratexias para facilitar o seu acceso ao mercado laboral e, en definitiva, a súa contratación. Neste artigo explícanse seis deses proxectos que buscan fomentar a inserción laboral das persoas con discapacidade.
A Axencia para a Modernización Tecnolóxica de Galicia (Amtega) acaba de publicar no blog.adg2020.es/ as bases do concurso ‘Curtas co Móbil da Axenda Dixital de Galicia 2020’ dirixido a mozos e mozas matriculadas na ESO ou Bacharelato de Galicia, de entre 14 e 18 anos. É unha das iniciativas do proceso de elaboración da Axenda Dixital de Galicia 2020, a futura estratexia tecnolóxica global da Xunta.
