Aínda hai moito que mellorar no mundo da robótica, pero aos poucos imos achegándonos ao que a ciencia-ficción nos ditou durante as últimas décadas. Os robots son unha realidade nas fábricas e en moitos outros ámbitos; no fogar a súa presenza é tímida: o máis representativo son os aspiradores-robot, e pouco máis. Robi pretende ir un paso máis aló.
Co fin de que os afiliados á ONCE conten cun espazo aberto no que poder compartir con expertos a evolución que segue a tecnoloxía, e máis concretamente aquela que pode achegar prestacións útiles e funcionais ás persoas con cegueira ou deficiencia visual grave, o Centro de Investigación, Desenvolvemento e Aplicación Tiflotécnica (CIDAT), como Centro da ONCE especializado nesta materia, organiza as "Xornadas de Usuarios de Tiflotecnoloxía 2014", que se celebrarán no marco da Feira Internacional TifloInnova.
O premio Socio de Honra 2014 da Asociación de Enxeñeiros de Telecomunicación de Galicia (galardón que se vai entregar na XIX Gala das Telecomunicacións de Galicia, que se celebrará o vindeiro 24 de outubro no Gran Hotel da Toxa) foi para a Cruz Vermella de Galicia, polos “seus esforzos permanentes na renovación das súas infraestruturas tecnolóxicas, das que fai un uso intelixente na procura dunha maior eficiencia dos seus servizos”.
