O último gran avance médico grazas ás impresoras 3D deuse de feito no noso país, onde un equipo do Hospital Universitario de Salamanca conseguiu trasplantar con éxito por primeira vez no mundo un esternón e unhas costelas impresas a un paciente que sufrira un sarcoma na parede torácica.
A Vicerreitoría do Campus de Pontevedra anunciou esta semana o desenvolvemento, entre os días 15 e 17, dun seminario sobre o uso pedagóxico da Rede. A actividade, que se basea na premisa de adaptar o ensino ás necesidades e demandas do coñecemento actual e dos propios alumnos (para as novas xeracións, Internet semella ser unha especie de medio natural de comunicación, lecer e até de estudo), vén da man da investigadora Jose Piñeiro. Trátase dun curso de balde que ten aberto, xa, o seu prazo de inscrición. Segundo conta Piñeiro, cumpren accións formativas que nos axuden a extraer as mellores habilidades da interacción alumnado-Rede.
A Universidade de Vigo, coa colaboración da Consellería de Traballo e Benestar e FEUGA, e o apoio de Cruz Vermella, Secot e Fegaus, entre outras entidades, aposta pola innovación e impulso para involucrar ao colectivo senior en accións de voluntariado social e económico a través do uso das novas tecnoloxías. Este é o obxectivo inicial co que naceu, en 2014, o proxecto TICSenior, unha iniciativa na que se colabora con institucións e organizacións que prestan servizos sociais e outras como as de asesoramento a emprendedores, formación de colectivos específicos e asistencia ás administracións públicas nos seus programas sociais.
