MeLiSA, a Asociación de Usuarios de Software Libre da Terra de Melide, foi unha das entidades participantes na primeira xornada de traballo formativo do programa galego de Voluntariado Dixital.
Esta mañá comezou en Santiago no Centro de Novas Tecnoloxías de Conxo o curso “Voluntariado e TIC” co que se inicia o proceso de formación das 137 persoas voluntarias dixitais e do persoal técnico das 36 entidades de acción voluntaria adheridas ao Programa de Voluntariado Dixital, que a Xunta de Galicia puxo en marcha a principios de febreiro.
Un total de 137 voluntarios dixitais e 36 entidades de acción voluntaria se adheriron á primeira convocatoria do Programa de Voluntariado Dixital que a Xunta de Galicia puxo en marcha a principios de febreiro.
O obxectivo desta iniciativa, promovida pola Secretaría Xeral de Modernización e Innovación Tecnolóxica e a Consellería de Traballo e Benestar, e contribuír a través da colaboración e compromiso de persoas voluntarias á incorporación das novas tecnoloxías á vida cotiá de toda a cidadanía galega, centrándose nesta primeira fase nos colectivos de maiores e persoas con discapacidade.
