A Consellería de Traballo e Benestar está a instalar novos dispositivos da plataforma SAM-TV en 20 fogares de Vigo e a súa área metropolitana para a atención ás persoas maiores co obxectivo de facilitarlles unha mellora na súa calidade de vida. A Secretaria Xeral de Política Social en colaboración coa Universidade de Vigo están a levar a cabo esta actuación que suporá un investimento de máis de 20.500 euros. A UVIGO realizará, ademais, un estudo detallado da experiencia dos usuarios con este sistema para analizar despois as súas principais conclusións.
Hoxe dará comezo o curso promovido polo Programa de Voluntariado Dixital da Xunta, co seu primeiro módulo "Redes sociais e comunicación 2.0” que ten como obxectivos mostrar aos asistentes como as novas tecnoloxías, os dispositivos móbiles e os servizos baseados na tecnoloxía web, revolucionaron o xeito en que accedemos á información e a maneira en que nos relacionamos co mundo que nos rodea.
A tecnoloxía ponse ao servizo das persoas maiores con innovadores sistemas de localización que resultan cómodos e prácticos para usuarios e familiares. Máis de 35 millóns de persoas en todo o mundo padecen Alzheimer ou algún outro tipo de demencia, e moitos deles sofren algún episodio de desorientación ou deambulación durante o avance da enfermidade. Os localizadores, xa sexan tipo pulseira, no móbil ou un dispositivo portátil de peto, contribúen a que o coidador saiba onde se encontra o maior en todo momento e, polo tanto, aumente a calidade de vida de ambos os dous.
