Hai tempo que vimos falando de Lift Lab, a empresa que comezou a desenvolver unhas culleres estabilizadoras para combate-los tremores que sofren sobre todo os enfermos de Parkinson. Google adquiriu esa empresa e o seu responsable continuou esa liña de traballo na división Google X. Xa están á venda.
O conselleiro de Cultura, Educación e Ordenación Universitaria, Xesús Vázquez Abad, e mais o presidente do Colexio Profesional de Enxeñaría Informática de Galicia, Fernando Suárez, asinaron hoxe un convenio de colaboración para a posta en marcha da iniciativa “Programación nas Escolas”, unha iniciativa pioneira que se enmarca no proxecto Abalar, que ten como principal obxectivo ensinar aos escolares, dunha maneira proactiva e lúdica, a programar, introducíndoos ao pensamento computacional.
Xunto aos produtos desenvolvidos por grandes corporacións hai innovacións con sentido social e outras que mostran a creatividade de individuos independentes.
