Hai uns días a Brain Research Foundation dentro da súa celebración anual polo día de neurociencia, deron a coñecer un interesante documento onde Leslie Osborne e Sangwook Alex Le, investigadores do laboratorio Osborne da Universidade de Chicago, explicaban unha investigación que mostraba como o xogo Pong pode servir para diagnosticar enfermidades cerebrais a través da análise do movemento dos ollos.
En Xapón, o país coa poboación máis lonxeva do mundo, numerosas empresas apostan por crear robots para paliar a sensación de illamento dos maiores que viven sós. O último chegado ao mercado nipón é Smiby, un bebé ávido de mimos que demanda constantemente a atención do seu veterano "proxenitor".
Telefónica vén de lanzar no mercado español un servizo de control para nais, pais ou titores que lles vai facilitar a xestión da vida dixital das nenas e os nenos con dispositivos móbiles. A nova achega, chamada Movistar Protexe, permite en palabras da operadora “protexer en tempo real e dende calquera lugar até 10 aparellos diferentes, achegando todas as garantías de seguridade para os menores”.
