Investigadores da Universidade Autónoma de Barcelona desenvolveron a primeira plataforma que usa o formato dos videoxogos para realizar os test cognitivos de avaliación das persoas con discapacidade intelectual, especialmente na contorna laboral. A ferramenta, denominada PROLOG, incorpora unha tecnoloxía que permite facer as probas só co movemento corporal dos usuarios.
Investigadores da Universidade de Sevilla aplicaron interfaces cerebro-computadora e sensores comerciais para recoñecer xestos e sons de persoas xordo cegas ou con parálise cerebral, introducindo melloras no sistema. Tamén actualizaron algúns dos contos pedagóxicos que utiliza este colectivo a versións dixitais e interactivas.
Un equipo procedente de tres empresas de Castellón creou unha aplicación para móbiles e tabletas chamada Guía de Selectividade 2015. A app permite buscar información sobre os graos e saídas profesionais, a clasificación das titulacións máis demandadas, consellos prácticos para estudar ou como combater os nervios ante os exames, entre outras opcións.
