A Asociación de Usuarios de Software Libre da Terra de Melide (MeLiSA), comeza mañá, 23 de xuño, un novo obradoiro inserido no proxecto Tecnoloxía e software nos centros penitenciarios galegos no centro da Lama. Segundo informa o colectivo de Melide, un total de 12 internos pertencentes ao módulo de respecto serán os destinatarios deste taller, no que se tirará proveito de material informático doado pola devandita plataforma galega de usuarios de programas de código aberto.
Un investigador da Universidade de Sevilla desenvolveu unha plataforma en liña que conta con miles de exercicios interactivos adaptados a diferentes niveis de secundaria e bacharelato. InterMatia está dirixida tanto a centros educativos como a particulares e pon a disposición dos alumnos tecnoloxía para que poidan practicar os temas do currículo oficial, tendo á súa disposición unha corrección automática e unha explicación da solución en caso de non acertar.
