Entre o 12 e o 15 de decembro terá lugar a celebración dos XIX Avances en Ciencia e Tecnoloxía, baixo un epígrafe que fala por si só do seu interese e da importancia que se dan ás TIC no seu programa: Tecnoloxías da Información e das Comunicacións: O Futuro xa chegou
200 persoas participarán de forma gratuíta dunha ampla programación, con actividades como relatorios, debates e exposicións breves nas que personalidades e reputados expertos avaliarán os cambios de hábitos, mentalidades, formas de comunicación e estilos de vida que está provocando Internet na sociedade actual dende puntos de vista como os novos medios, a mercadotecnia, a comunicación ou a fotografía.
