Xunta de Galicia Voluntariado Dixital

Buscador de actividades

Actividades de interese

26/05/21

Galiciencia é a maior feira científica que se celebra en Galicia desde 2006, co obxectivo principal de achegar a ciencia á sociedade. Consiste na organización e o desenvolvemento dun certame científico que ten como público obxectivo a estudantes de Primaria, Secundaria e Bacharelato; e que permanece aberto para o público en xeral. Todos teñen a posibilidade de participar tamén en charlas, talleres, concursos e moitas outras actividades paralelas que se renovan cada edición.

22/04/21

O día 22 de abril de 2021 celébrase o Día Internacional das rapazas nas TIC.

Este ano farémolo exclusivamente mediante  multiconferencia web, debido á situación derivada da pandemia por COVID-19. Teremos a oportunidade de coñecer a varias galegas que nos contarán polo miúdo o que a tecnoloxía pode aportar en diversos campos para mellorar a vida de todos.

Non sabedes o que é o día das Rapazas nas TIC? É unha celebración a nivel internacional, orientada a motivar ás novas xeracións de mozas para que consideren o ámbito das TIC para o seu desenvolvemento académico, investigador e profesional. 

Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal