Xunta de Galicia Voluntariado Dixital

Inicio > A Rede > Novas

CENTAC presenta un informe sobre o mercado e as oportunidades de negocio das TIC accesibles.

 

O estudo publicado polo Centro Nacional de Tecnoloxías da Accesibilidade (CENTAC) defende a potencialidade do mercado TIC accesible, coa finalidade de asesorar ás empresas que desexen investir na prestación de servizos e produtos TIC  na procura do crecemento económico e dunha maior autonomía das persoas con discapacidade, das persoas maiores e dos seus familiares ou coidadores.

Versión para impresiónSend by email
11/02/13 (15:11)

CENTAC informa que no conxunto do Estado existen aproximadamente 4 millóns de persoas con algún tipo de discapacidade. Actualmente, o 17,4% da poboación española é maior de 65 anos e estímase que no ano 2050 esta cifra acade o 35%. Por tramos de idade, a discapacidade media varía dende o 44% das persoas entre 65 e 74 anos ata o 70% das maiores de 80 anos.

As recomendacións achegadas neste estudo teñen como obxectivo facilitar o desenvolvemento de estratexias de negocio óptimas e de calidade que permitan incrementar o mercado TIC accesible e mellorar a calidade de vida das persoas.

Pode consultarse o estudo na seguinte ligazón:

http://www.centac.es/sites/default/files/col_cen_v3.pdf

 

Tema: Xeral
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal