A Comisión Europea puxo en marcha a 'VI edición do Concurso Europeo de Innovación Social', co que busca proxectos innovadores en produtos, tecnoloxías, servizos e modelos que poidan contribuír á acollida e integración dos refuxiados e os inmigrantes en Europa.

Baixo a lema 'Futuros integrados', o concurso pretende apoiarse na innovación para axudar a mellorar a educación, o emprego, o acceso á vivenda, os dereitos humanos e a cohesión comunitaria.

Segundo informa a Comisión Europea na súa páxina web, o concurso vai dirixido a todas aquelas persoas, grupos e organizacións da Unión Europea e dos países adheridos ao programa de financiamento europeo Horizonte 2020.

Prazos

O prazo de presentación de candidaturas está aberto até o próximo 8 de abril e aquelas que logren superar a primeira fase participarán nunha Academia de Innovación Social en Berlín, cuxo obxectivo é axudar a converter as ideas máis innovadoras en proxectos reais e que teñan un impacto sustentable.

Desta selección sairán elixidos os 3 finalistas que recibirán un premio de 50.000 euros, cada un, para apoiar o seu proxecto.

O concurso, que arrincou o pasado 25 de febreiro, pecharase o 27 de outubro, coa cerimonia de entrega de premios que se realizará en Bruxelas.