Cruz Vermella Española organiza o XI Seminario de Boas Prácticas de Inclusión Social: Adaptación ao cambio e Innovación Social, que terá lugar en Madrid os días 27 e 28 de novembro.

A actual crise económica está a motivar nas entidades do Terceiro Sector dinámicas de cambio moi rápidas ao tempo que dificultades para a sostibilidade dos seus programas e intervencións. Este contexto é tamén xerador de estratexias de reorganización e reorientación nas súas áreas de intervención, metodoloxías ou financiamento, dirixidas a ofrecer respostas a demandas sociais emerxentes.

O seminario pretende ser un espazo de reflexión onde se consideren as dificultades que leva consigo a idea mesma de "cambio", tratada de forma aberta, e dende distintas perspectivas para formular o valor estratéxico da innovación e o emprendimiento social. Falarase do valor da innovación orientada a atender perfís diferenciados de persoas en risco de pobreza e exclusion; tamén a intervir dende a proximidade, a buscar sinerxías con outros axentes sociais, a fomentar a implicación da cidadanía e o voluntariado; a diversificar fontes de financiamento...

No Seminario farase difusión dunha selección de prácticas innovadoras nalgunhas das áreas propias da inclusión social.

Está dirixido a ONG, entidades sen fins de lucro, técnicos/ás de Servizos Sociais, emprendedores sociais e a rede de oficinas territoriais e central de Cruz Vermella Española.