A Confederación Autismo España organiza a xornada "Dereitos e Novas Tecnoloxías" na sede da Fundación ONCE co obxectivo de promover diferentes mecanismos de mellora da calidade de vida das persoas con TEA.

Por unha banda, presentarase a "Rede para a Calidade de Vida" desenvolvida pola Confederación e estudaranse as opcións que ofrecen a este colectivo as tecnoloxías da información e a comunicación. Debateranse tamén as aplicacións prácticas dos mecanismos de protección xurídica aplicables ás persoas con trastorno do espectro do autismo.

Aproveitando este encontro, que se celebrará o 19 de outubro co apoio de Fundación Orange e Fundación ONCE, farase entrega dos premios aos gañadores do concurso ART-TEA 2013.