O Blog XenteDixital, impulsado pola AMTEGA, faise eco dun estupendo exemplo de voluntariado dixital: que ocorre cando máis de catrocentos veciños dunha localidade se unen para amosar o seu pasado?

Pois isto é o que podedes ver en www.santacombanamemoria.es, unha web para o recordo e repaso da historia do século XX do municipio xalleiro, narrada a través das máis de 5000 fotografías que achegaron os veciños e empresas da comarca.

As achegas dos veciños precisaron do traballo de escaneado e clasificado dun equipo de persoas liderado por José Luis Varela Martínez, que se encargou de darlle forma á web e dotar de contidos ese espazo en liña.

O propio José Luis Varela Martínez, administrador e deseñador da web, e voluntario do programa cóntanos un pouco sobre a experiencia, nunha entrevista que nos achega Xente Dixital.