Xunta de Galicia Voluntariado Dixital

Inicio > A Rede > Novas
Persoa maior usando unha tableta.

Telefónica organiza un obradoiro de ciberseguridade para maiores no marco de CIBER.gal

Versión para impresiónSend by email
Santiago de Compostela, 09/11/22 (07:49)

Telefónica vai organizar na Cidade da Cultura un obradoiro sobre ciberseguridade dirixido ao colectivo das persoas maiores, co obxectivo de garantirlles navegacións seguras e un uso seguro das novas ferramentas para comunicárense, informarse e facer trámites bancarios ou coas administracións. Este é o obxectivo do taller #ConectaSenior, que Telefónica desenvolve este xoves 10 de novembro dentro do II Encontro CIBER.gal.

O obradoiro celebrarase entre as 11.15 h. e as 12.30 h na Sala 10 do edificio Fontán da Cidade da Cultura de Santiago, e trátase dunha charla didáctica e interactiva onde os maiores poderán coñecer en primeira persoa exemplos de casos reais de estafas e calotes, e como aprender a detectalos para poder tamén evitalos. A entrada é gratuíta e a capacidade é limitada, polo que se recomenda chegar polo menos con 15 minutos de antelación. Ao terminar o taller sortearanse catro tabletas entre os asistentes.

Tema: Xeral
Fonte: Código Cero
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal