Xunta de Galicia Voluntariado Dixital

Inicio > A Rede > Novas
Cartel da iniciativa.

O Concello de Rianxo achega un obradoiro de apoderamento dixital para as mulleres

Versión para impresiónSend by email
Rianxo, 02/06/22 (14:19)

O Concello de Rianxo vai organizar este mes de xuño unha actividade formativa que pon o foco nas mulleres e que asume o desafío de derrubar os muros de inclusión dixital que separan a algúns sectores da poboación feminina das vantaxes e posibilidades (persoais, profesionais, empresariais, de autonomía e de apoderamento) das novas Tecnoloxías da Información e a Comunicación, as TIC. O obradoiro formativo Cara a independencia dixital celebrase do 13 ao 22 de xuño no Auditorio Municipal en horario de 10:00 a 12:30h.

O Concello explicou que as prazas (limitadas) asignaranse por orde de inscrición (a través dos teléfonos 981 972 731 604 024 012 e do correo igualdade@concelloderianxo.gal) e que é preciso dispoñer de conta de correo electrónico e teléfono intelixente. O curso vén da man da Concellaría de Benestar Social, Igualdade e Diversidade de Rianxo. 

Os contidos que se desenvolverán son os seguintes: 

  1. Como me preparo para facer trámites de xeito dixital. 
  2. Que é un certificado dixital e outros sistemas de acceso á sede electrónica. 
  3. Trámites coa Seguridade Social e SEPE. 
  4. Trámites coa Xunta de Galicia (sede electrónica) 
  5. Trámites co Concello de Rianxo 
  6. Trámites coa Axencia Tributaria 
  7. Redes sociais e seguridade.
Tema: Xeral
Fonte: Código Cero
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal