Xunta de Galicia Voluntariado Dixital

Inicio > A Rede > Novas
Cartel da iniciativa.

A Tecnópole leva o espírito das mulleres empresarias á Mobile Week Ourense

Versión para impresiónSend by email
Ourense, 19/11/21 (15:13)

Mobile Week Ourense 2021, que se celebra cun chamamento específico a reflexionar no impacto da transformación dixital na cidadanía, acolle este sábado 20 unha mesa de debate sobre Mulleres emprendedoras nas TIC, promovida polo Parque Tecnolóxico de Galicia (Tecnópole), que quixo participar neste encontro levando ao mesmo o espírito das mulleres empresarias.

Esta mesa debate desenvolverase entre as 17:30 e as 18:30 horas no Centro Cultural Marcos Valcárcel. No seu transcurso abordarase as dificultades coas que se atopan as emprendedoras para materializar aos seus proxectos, máis aínda no ámbito do emprendemento científico e tecnolóxico e ligado á transformación dixital. A mesa estará moderada por Bárbara Canedo, técnica da Confederación de Empresarios de Ourense. Contarase coa participación de catro mulleres: Nuria Iglesias, presidenta da Asociación de Novos Empresarios de Ourense; Marta Novoa, tenente alcalde do concello de San Cibrao das Viñas; Lena Repetskaya, fotógrafa con estudo no Parque Tecnolóxico de Galicia; e Dora Casal, directora executiva da firma Roberto Verino, que tamén exerce o seu labor en Tecnópole.

Tema: Xeral
Fonte: Código Cero
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal