APAMP contribúe ó desenvolvemento do proxecto de vida de cada persoa con parálise cerebral ou afín, prestando os apoios necesarios, a eles e ás súas familias, e facilitando oportunidades para que poidan tomar as súas propias decisións e participar activamente na sociedade.
Contamos con tres centros: Residencia e respiro familiar, Centro de día e ocupacional e Ludoteca de Integración e ofrecemos: Atención pedagóxica, psicolóxica, enfermería, fisioterapia e hidroterapia, logopedia, natación adaptada, ocio, talleres ocupacionais (papel, cartonpedra, encuadernación, textil, artístico e informática).
Os nosos voluntarios colaboran nos distintos servizos e actividades, dentro e fóra dos centros da asociación, e en función das necesidades detectadas en cada momento (excursións, saídas e actividades de ocio, apoio nos talleres, no comedor, horta urbana, acompañamentos individuais...).
Ademais de achegar a súa inestimable colaboración... achegan outras visións, experimentando con novas ideas e poñendo en marcha novas iniciativas.
Fomentamos a participación activa do voluntariado na entidade, implicándoos no deseño e desenvolvemento de novas actividades e servizos.
