- Proxecto “Santa Comba na Memoria”, unha web para o recordo e un repaso a historia do século XX do municipio xalleiro, que está accesible na dirección http://www.santacombanamemoria.es.
A través de máis de 5.000 fotografías “Santa Comba na Memoria” abre unha fiestra ao pasado do concello desde o ano 1900. Tras o traballo de escaneado, o voluntario dixital do Programa foi o encargado de etiquetar e engadir comentarios aos milleiros de documentos gráficos que achegaron 400 veciños e empresas do municipio.