Chus Blanco Pérez

C/Arco 5-7, 1º

Coruña (A)

A Coruña

- Proxecto POSTA EN MARCHA E DINAMIZACIÓN DUNHA AULA DE INFORMÁTICA NA PARROQUIA DE LOS ROSALES EN A CORUÑA: Preto de 30 persoas maiores da parroquia de Los Rosales en A Coruña, están a mergullarse nas vantaxes que a tecnoloxía lles pode reportar grazas a VOLDIX. Dende a Oficina de voluntariado de VOLDIX coordínase a oferta de voluntarios e a demanda de apoios dixitais que solicitan as entidades de acción social. Este foi o caso da Parroquia de Los Rosales, que conxuntamente coa entidade colaboradora do Programa VolDIX, Unión Democrática de Pensionistas e Xubilados UDP FETEGA, solicitou voluntarios dixitais para formar no uso das TIC aos maiores pertencentes ao ámbito de influencia desta parroquia. En resposta á súa solicitude, puxéronse á disposición desta parroquia tres voluntarios, dous deles prexubilados, que se achegan tres horas á semana cada un para introducir aos maiores nos coñecementos básicos da informática, a navegación por Internet, as redes sociais e aquelas necesidades sobre tecnoloxía que vaian xurdindo. Ademais, a parroquia recibiu 12 ordenadores grazas a empresa Revertia, mecenas dixital do programas, que recicla equipos informáticos obsoletos para o seu uso posterior en entidades de acción social.