A Sociedade Galega de Xerontoloxía e Xeriatría elixiu a cidade da Coruña para organizar o seu XXV Congreso, que terá lugar os días 10 e 11 de maio de 2013 e se celebrará no Edificio Universitario de Oza.

Esta Sociedade, que aglutina case 400 socios, leva 25 anos de andaina tratando de sensibilizar, entre outros obxectivos, á sociedade acerca da importancia de coñecer o fenómeno do envellecemento, tanto dende o punto de vista sociodemográfico como da consecución dunha boa saúde.

Os obxectivos perseguidos á hora de organizar o programa científico son:

• Dar a coñecer as principais liñas de investigación en relación co envellecemento desenvolvidas en Galicia


• Dar a coñecer os principais proxectos de investigación no envellecemento desenvolvidos en Galicia; así como os principais consorcios de ámbito internacional establecidos


• Poñer en valor a I+D+i como elemento fundamental no crecemento socio-económico


• Dar unha perspectiva internacional a este Congreso

Para consultar o programa pica aquí.

O programa científico inclúe dous obradoiros, un denominado "Selección e validez de instrumentos de avaliación cognitiva en persoas maiores" e outro "Selección e validez de instrumentos de avaliación física e funcional en persoas maiores".

No momento de realizar a inscrición ao congreso, os interesados en participar nalgún dos talleres deberán inscribirse no que sexa do seu interese, seleccionando a opción oportuna no formulario de envío habilitado na Web do congreso.

Cada taller admitirá un máximo de 20 persoas que serán seleccionadas, por rigorosa orde, de acordo á data de ingreso da cota de inscrición ao congreso que conste no xustificante bancario da transferencia recibida.