Queremos compartir contigo esta nova oportunidade que nos brinda o aliado dixital Orange para ampliar e consolidar os teus coñecementos e habilidades dixitais para lanzar ou promocionar o teu pequeno negocio dende a túa localidade.

Se + Dixital!!

Trátase dun curso online gratuíto de 20 horas de duración de carácter eminentemente práctico no que poderás afondar sobre aspectos clave do teu negocio mediante vídeos explicativos e testemuños sinxelos, accesibles a través dunha plataforma de teleformación. Os contidos son os seguintes:.

•          Que preciso saber para ser dixital?
•          Como podo facer negocios dixitais desde a miña cidade?
•          Como impacta a tecnoloxía nos novos modelos de negocio?
•          Como promocionar o meu negocio desde a miña cidade?
•          Como podo financiar o meu negocio?
•          Outras oportunidades de negocios no ámbito dixital.

Se estás interesado en formar parte dunha nova comunidade virtual tes ata o 2 de maio para formalizar a túa inscrición. É importante que no campo “Seleccione un curso” marques a opción “Amtega Galicia” para acceder correctamente aos contidos do curso.

O curso finaliza o día 16 de maio e conta coa certificación EOI para que poidas acreditar a túa experiencia e coñecementos adquiridos.