A robótica ofrece interestantísimas solucións para persoas con discapacidade e maiores, tanto mediante robots como coa utilización de exoesqueletos que axuden ao movemento. Por esta razón, a mostra Global Robot Expo é unha cita marcada no calendario.

Nesta edición, Global Robot Expo trasladarase ao recinto feiral de IFEMA en Madrid entre os días 18 e 20 de abril para mostrar os avances en robótica en áreas como a Industria 4.0, a robótica industrial, os drones, as tecnoloxías intelixentes, a educación, a saúde e a impresión 3D.

É na área de saúde no que se mostrarán as solucións máis interesantes, cun grande protagonismo, unha vez máis, dos exoesqueletos deseñados para axudar na rehabilitación de persoas que perderon a súa capacidade de andar ou que teñen dificultades para facelo.

Tamén a impresión 3D ofrece grandes oportunidades para persoas con discapacidade xa que permiten personalizar distintos obxectos de maneira que se adapten ás necesidades específicas de cada un.

Sen dúbida una das citas máis interesantes do ano para coñecer novas solucións relacionadas coa robótica.