Desde Fundación MAPFRE lanzan a 1ª edición dos Premios Fundación MAPFRE á Innovación Social impulsados polo Instituto de Empresa (IE). Esta iniciativa xorde coa intención de apoiar solucións innovadoras con gran potencial de impacto social. Perseguen traballar coas comunidades de innovadores sociais das rexións xeográficas de Brasil, LATAM (excepto Brasil) e Europa, para identificar aqueles proxectos con maior capacidade de transformación social e a quen lle poidan ofrecer un impulso diferenciador.

Cos Premios Fundación MAPFRE á Innovación Social queren facer posible o crecemento de iniciativas que resolvan e melloren aspectos concretos do mundo no que vivimos:

• Mellora da saúde e tecnoloxía dixital (e-Health).
• Innovación aseguradora.
• Mobilidade e seguridade viaria.

Prazo de presentación e selección de gañadores

Os candidatos poden enviar os proxectos previa acreditación dun interlocutor por proxecto. O prazo de recepción de proxectos comezará proximamente.

Premios

• Tanto os semifinalistas como os finalistas, gozarán de distintas canles de promoción dos seus proxectos, o que lles axudará a darse a coñecer.
• Apoio, orientación e axuda aos proxectos semifinalistas e finalistas seleccionados a través de mentoring  para semifinalistas e coaching para finalistas.
• Financiamento:
  • Visibilidade ante potenciais financiadores.
  • Premio en metálico: Os gañadores de cada unha das tres categorías recibirán da Fundación MapfreAPFRE 30.000€ en concepto de doazón.
  • Gastos de viaxe e aloxamento aos semifinalistas e finalistas, para a asistencia aos eventos que sexan convocados no marco da competición.