A Cámara de Comercio de Santiago presenta hoxe en Melide o programa Peregrinaxe Emprendedora, unha acción destinada aos menores de 30 anos inscritos no Sistema Nacional de Garantía Xuvenil e que se enmarca na convocatoria de Itinerarios de Emprendemento Xuvenil da Fundación Incyde.

O programa, cofinanciado polo Fondo Social Europeo, preséntase no obradoiro de Autoemprego: Atrévete, que se celebra na aula Cemit, no edifcio multiusos de Melide, entre as 16.00 e as 20.00 horas. Segundo explican, o obxectivo último da iniciativa é mellorar a empregabilidade dos mozos parados que queiran desenvolver as súas iniciativas para acceder ao mercado laboral.