O Grupo Edelvives converteuse na primeira empresa editorial que colabora con Google for Education a nivel mundial para acompañar aos centros educativos na aplicación de novas ferramentas tecnolóxicas.

O director xeral do Grupo Edelvives, Javier Cendoya, e o responsable do sur de Europa e dos países xermano parlantes de Google for Education, Marc San López, selaron a alianza na sede do xigante tecnolóxico en Londres ante representantes de máis de sesenta institucións educativas españolas.

Co lema "Xuntos para transformar a educación", ámbalas empresas uníronse para impulsar propostas innovadoras utilizando ferramentas e recursos que permitan aos alumnos desenvolver as competencias dos futuros profesionais: traballo en equipo, resolución de problemas, creatividade e comunicación.

Cendoya destacou que a alianza entre o Grupo Edelvives, con 127 anos de historia, e de Google, con 17 anos de experiencia, xurdiu da intención de "compartir, conectar e traballar xuntos para cambiar o mundo".

O Grupo Edelvives, dixo, quere facer posible "unha aprendizaxe cooperativa real sen ningún tipo de limitación da contorna", algo que con Google é fácil de conseguir.

San López sinalou que o obxectivo de Google for Education é "ofrecer tecnoloxía aberta para mellorar a aprendizaxe de todos en todos lados".

Tras resaltar que a súa empresa entrou no sector educativo para ofrecer solucións a escala coa intención de multiplicar por dez o seu potencial, apuntou que a tecnoloxía "non é un fin, senón un medio" para alcanzar obxectivos pedagóxicos.

O proxecto Edelvives, que o grupo editorial presentou aos centros desde 2015, permite utilizar os seus contidos no sistema operativo Google Chrome, a través dunha aplicación.

Ademais dos contidos curriculares, Edelvives ofrece aos centros a opción de coñecer tódalas posibilidades educativas da aplicación e por en marcha un plan de dixitalización Chromebook.

Un dos puntos crave do acordo é a formación e o acompañamento do profesorado.