A Confederación Española de Organizacións de Maiores (CEOMA) e a Fundación Vodafone España renovan a súa colaboración despois dos resultados obtidos durante o catro últimos exercicios, nos que se formaron preto de 15.000 maiores a través do Proxecto Campus Senior Tecnoloxía.

O Convenio, suscrito polo Presidente de CEOMA, José Luis Méler, e o Director Xeral da Fundación Vodafone España, Santiago Moreno, recolle a  necesidade de seguir integrando aos séniores nas novas tecnoloxías. Ademais, ámbalas entidades son conscientes do interese que espertan éstas nos maiores e do logro que supuxeron as anteriores edicións: cada día é máis común ver a persoas maiores no noso país utilizando smartphones e comunicándose con maior facilidade.

Por todo iso, ponse en marcha, até febreiro do ano 2017, a V edición de CAMPUS SENIOR: 15 talleres prácticos de formación presencial repartidos pola xeografía española, talleres semipresenciais e a realización de talleres prácticos 'online' sobre oito temáticas que forman parte do contido dos cursos. Amplíanse os contidos, na área de 'aplicacións interesantes', para que os maiores aprendan a descargarse nos seus  smartphones, dunha forma rápida e sinxela, aplicacións accesibles, por exemplo 'Medicamento Accesible Plus', "AudescMobile", ou "TUR4all"

Así mesmo, os maiores contarán cos cursos de "Teléfonos intelixentes" desenvolvido pola Fundación, "Manexo da fotografía dixital", "Comunícate con Skype", "De compras pola Rede", "Descubrindo internet", "Internet: a túa axencia de viaxes" e "Redes sociais: compartir e relacionarse".