Segundo os promotores do encontro, desde os robots de compañía até os robots sociais que poden lembrar unha medicación ou axudar na rehabilitación, as consideracións éticas e funcionais da relación entre humanos e robots xeran múltiples debates.

Por iso, o Espazo Inaugural do 6º Congreso Nacional Centac de Bilbao dedicará a súa primeira sesión a analizar os retos dos robots desde diversos puntos de vista, como a enxeñaría de sistemas robotizados, a integración dos robots na sociedade, a robótica accesible ou os robots aplicados ao ámbito da saúde.

O Espazo Inaugural será o xoves 5 de novembro ás 10.30 no Auditorio do Palacio Euskalduna, tras a inauguración institucional. Contará coa participación de Celestino Álvarez, de Adele Robots; Víctor Martín, de Macco Robotics; Daniel de Río, de MoWay, e Jesús Valero, de Tecnalia, e será moderado por Juan Luís Quincoces, director xeral de Centac.

Outra das mesas do Congreso tamén se dedicará á robótica pero desde unha óptica máis asistencial, coa participación da investigadora Miren Iturburu, do Instituto Gerontológico; Itziar Salaberria, de Uggsa, e Carlos Fernández, de Gogoa Mobility Robots.

Dentro das tecnoloxías punteiras, o evento dedicará un apartado especial ao Open Data coa participación de representantes da Administración, concretamente o vogal asesor do Gabinete do Secretario de Estado de Telecomunicacións e para a Sociedade da Información, Enrique Martínez, e empresas tecnolóxicas como Oracle e Informática O Corte Inglés.

Con respecto a Internet das Cousas (IoT), haberá dúas mesas de traballo, unha dedicada á tecnoloxía nas cidades, na que se presentarán desenvolvementos baseados en beacons, NFC ou sensorización, onde participan empresas como Aditium, Viarium, Konektik ou AMIO. A outra se centrará no fogar adaptado e estará composta por representantes da Universidade de Burgos, a de Granada ou a empresa Visualfy. Vodafone España conducirá aos relatores.

Os wereables, como son utilizados polos usuarios e como poden controlar a nosa vida será outra das mesas, con expertos de Eneso, Global Indevices, NeoSenTec e Uliazpi.

Para Centac, un dos aspectos máis importantes é dar visibilidade ás tecnoloxías accesibles. Por iso, durante o congreso porán en marcha o que denominaron 'NetMob', unha acción colectiva en redes sociais acordada nun momento concreto, cun mesmo mensaxe. Ás 13.15 horas do 5 de novembro Centac iniciará este 'NetMob' no que convida a participar a todos aqueles que aposten polas tecnoloxías accesibles a facer un tweet coa mensaxe #TICAccesibles, #TICUniversales, para que entre todos os asistentes fagan que resoe a accesibilidade.

A sexta edición do Congreso Nacional de Centac conta co apoio do Goberno Vasco, o Concello de Bilbao, a Deputación Foral de Bizkaia e o Grupo SPRI (Axencia Vasca de Desenvolvemento Empresarial), así como a colaboración de Basquetour, a sociedade pública do Departamento de Desenvolvemento Económico e Competitividade do Goberno Vasco e a empresa tecnolóxica ABAmobile.

Con máis de 600 participantes inscritos, 100 expertos como relatores e 24 mesas de traballo, abordaranse outras temáticas, como a Impresión 3D, Smart Cities, Wereables, Biometría ou Serious Games, desde o punto de vista da accesibilidade.