Un grupo de investigadores da Universidade Estatal de Colorado (Estados Unidos) desenvolveu un dispositivo que se pon na lingua e permite "ouvir" o son.

O dispositivo contén uns 20 eléctrodos e o que fai é traducir o son en pulsos e sinais eléctricos para que a persoa que o leve posto poida "lelo" na súa lingua, de forma similar a como funciona o sistema Braille.

"A idea é que este dispositivo sexa moito máis alcanzable e menos invasivo que un dispositivo implantado", explicou un dos estudantes participantes no proxecto, JJ Moritz. Os implantes cocleares poden chegar a custar até 100.000 dólares e, ademais, requiren de cirurxía.

Polo momento, este dispositivo continua en fase de desenvolvemento, pois os seus creadores aínda teñen que terminar de mapear a lingua, co fin de comprender como le cada persoa os sinais eléctricos.