Hai tempo que as tatuaxes se converteron nunha versátil forma de acceder a distintas prestacións médicas -e mesmo eléctricas- no corpo humano. Entre as últimas ideas está a aplicación desta técnica para comprobar os niveis de concentración de glicosa en sangue.

Estas tatuaxes evitarán os métodos tradicionais para realizar estas análises, e sitúanse como unha alternativa máis a métodos como o ideado por Google, que desenvolvera unhas lentes de contacto precisamente co mesmo obxectivo. As tatuaxes temporais son un método aínda menos invasivo, e poderían supor unha pequena revolución neste campo.

Os investigadores da Universidade de California en San Diego responsables deste dispositivo crearon un sensor flexible que utiliza unha corrente eléctrica reducida para medir a glucemia múltiples veces ao día, algo vital para o tratamento da diabetes.
Moita xente trata de evitar esas análises porque son incómodas e dolorosas, pero mecanismos deste tipo farían posible realizar esas medicións constantes de forma cómoda e indolora, e estas tatuaxes duran todo un día segundo os seus responsables. Son moi baratos -apenas uns céntimos de euro- e por tanto poden ser substituídos sen que iso cause impacto económico nos pacientes.

As probas en sete pacientes sans revelaron medicións precisas de glucemia, pero os investigadores xa están a traballar en melloras que permitan por exemplo non ter que quitar as tatuaxes e analizalos para colleitar os datos: segundo Amay Bandodkar, un dos responsables do estudo, o próximo paso é dotarlles de conectividad Bluetooth para enviar esa información aos médicos que están monitorizando o tratamento destes pacientes.