A tecnoloxía ao alcance de todos, sen importar os seus coñecementos, nin a súa idade. Iso é o que tiveron que pensar os creadores de Kano, un computador por pezas que pode montar até un neno pequeno.

Trátase dun proxecto que funciona co sistema Raspberry-Pi grazas ao cal, os máis xoves da casa poden aprender como funciona un computador e o mellor: poden construílo eles sós.

Kano componse dun kit moi básico: un teclado, un cable de alimentación e outro para conectalo a calquera monitor, unha tarxeta de memoria, o CPU do computador e un teclado. Todo presentado dunha maneira moi sinxela e que se pode montar en 107 segundos.

O mellor deste proxecto é que ademais de que os nenos poidan montar o seu computador persoal tamén lles axuda a comprender como funciona o 'hardware' e o 'software' dun computador a través de sinxelos xogos implementados con Kano.