NSK, unha empresa xaponesa mellor coñecida polas seus rodamentos e o desenvolvemento doutros compoñentes para terceiros, tamén está a apostar forte polo mundo da robótica, algo bastante común entre as empresas xaponesas.

O seu último desenvolvemento ten que ver cun robot-guía, presentado no "Robotics Demo Corner" que tivo lugar a semana pasada en Tokio. O seu nome é Lighbot, e pretender a axudar a moverse a persoas con visión reducida.

Igual que o faría un coche autónomo, pero andando á beira do robot, que se desprazaría por galerías comerciais ou hospitais, sorteando obstáculos e levándonos con seguridade ata o próximo punto desexado.

A forma de interactuar con Lighbot é a través dun joystick na zona superior, ten catro direccións posibles, que accionaremos para movernos. Para adecuarse á velocidade do noso paso, o mando recoñece diferentes intensidades.

Pero non só podemos dicirlle a dirección para tomar co "joystick vermello", tamén conta cun sistema de navegación guiada que nos leva ata o punto final sen ter que ir marcando o camiño. Este sistema está baseado en mapas rexistrados, a partir dos cales calcula a mellor ruta. Durante o traxecto, daranos indicacións a través do altofalante.

Toda a maquinaria importante atópase na zona inferior, cun sistema baseado en láser - desenvolvido por ASUSTeK - que recoñece os obxectos e paredes que atopamos ao noso paso, tanto a nivel de chan, como á altura da nosa cabeza. Cando Lightbot recoñece obstáculos, para ou expón unha dirección alternativa.

Entrando en detalles de mobilidade, o robot conta cunha roda na zona dianteira, e un par na traseira, todas móvense de forma independente. Mide un metro de alto, para tentar estar á mellor altura para as nosas mans, e pesa 15 quilos.

NSK está a desenvolver outros robots-guía bastante máis capaces en termos de mobilidade, coma un que se atreve con obstáculos moi complicados, ao mesmo tempo que leva da man ao seu usuario.