A rede para profesionais LinkedIn estreou unha nova ferramenta que permite poñer en contacto organizacións sen ánimo de lucro (ONG) e voluntarios. Deste xeito, os voluntarios poden facer uso desta ferramenta da rede social para buscar as ONG que máis se adapten ao seu gusto e que necesiten das súas destrezas.

'Similarity' ('parecido' en castelán) é o nome desta nova ferramenta que permite filtrar os usuarios sobre a base das necesidades que busquen as ONG. A partir de agora, os usuarios de LinkedIn poderán encontrar entre as ofertas da rede social a oportunidade que estaban a buscar para realizar labores sociais.

A nova utilidade de LinkedIn está especialmente enfocada a estudantes que busquen potenciar as súas habilidades e conseguir a cambio experiencia profesional que poderán acreditar nos seus currículos, pero tamén a xubilados ou calquera persoa cun pouco de tempo libre que queira colaborar con algunha causa social.

Segundo a web de LinkedIn, un 82 por cento dos usuarios da rede social queren facer voluntariado ofrecendo os seus coñecementos e o seu tempo, aínda que de momento, só están dispoñibles ofertas de voluntariado en Estados Unidos.