A empresa española Quality Objects creou un prototipo de lentes de realidade aumentada para persoas con cegueira ou con visibilidade reducida que converten os obstáculos en "sons tridimensionais" os seus creadores pretenden coas que complementar ou mesmo "substituír" a outros métodos de axuda como o bastón ou o can guía, segundo explicou a compañía responsable do invento.

Así, os novos lentes Retriever, conectados a un teléfono intelixente con sistema operativo Android, emitirán sons a distintos tons e con diversas frecuencias para avisar a quen as leva da situación dos obstáculos e a distancia á que están situados. Para iso, as lentes incluirán sensores parecidos aos que utilizan os coches modernos para axudar a aparcar, mediante unha "imaxe sonora tridimensional", e incorporarán xiroscopio, compás e GPS para guiar o invidente.

Deste modo, o novo aparato será capaz, non só de guiar á persoa ata unha situación concreta, senón tamén de detectar mobles e chanzos, evitar ramas á altura da cabeza, esquivar obstáculos como farois ou árbores e camiñar en paralelo a unha parede, "de forma parecida a como o fai un morcego na escuridade", segundo indicou o director de Quality Objects, César Carralero, que sinalou que será necesario que os usuarios reciban "un sinxelo adestramento da man de profesionais".

Ademais, explicou que o modelo incorporará un botón de emerxencias para conectar cun servizo de asistencia e rescate en caso de necesidade e que podería resultar "moi útil" para persoas de avanzada idade, segundo indicaron.

Os seus creadores esperan empezar a comercializar os lentes de realidade virtual a partir do próximo mes de maio por un prezo que, segundo anunciaron, "non" superará os 200 euros" a través de centros de visión especializados