Xunta de Galicia Voluntariado Dixital

Inicio > A Rede > Novas
Exosuit

Exosuit, o exoesqueleto robótico que aumenta a forza humana

 



  • A función do traxe é prover dun aumento do rendemento adicional á persoa que o use

  • Podería ser un valioso activo para aquelas persoas que sufran de lesións musculares ou que se atopen en proceso de rehabilitación
Versión para impresiónSend by email
Santiago, 03/07/13 (10:28)

A publicación dixital Innovaticias.com faise eco da noticia de que un grupo de científicos da Universidade de Harvard atópanse desenvolvendo un traxe de exoesqueleto chamado Soft Exosuit. Este dispositivo permite un aumento do rendemento adicional da persoa que o use, logrando levantar cargas pesadas e realizar movementos máis lixeiros sen esforzo adicional. Este proxecto podería chegar a ser un activo invaluable para axudar a aquelas persoas en labores que requiran forza física ou persoas en rehabilitación.


O Soft Exosuit, ou "traxe de exoesqueleto", é o novo proxecto a cargo dun grupo de científicos do Instituto Wyss da Universidade de Harvard. Con tan só un peso de sete quilogramos (sen incluír o compresor de aire que impulsa os "músculos" artificiais), a función do traxe é proverlle un aumento do rendemento á persoa que o use. O proxecto é financiado polo Departamento de Defensa dos Estados Unidos, co propósito de axudar aos soldados a levantar cargas máis pesadas e percorrer maiores distancias sen inconvenientes.


O Soft Exosuit componse principalmente dun deseño de teas especiais que poden ser máis lixeiro que un exoesqueleto, xa que non contén unha estrutura ríxida, polo que a estrutura ósea da persoa debe soster todas as forzas de compresión que normalmente se atopan polo corpo (ademais das forzas xeradas polo Exosuit).


O motor do Soft Exosuit está impulsado por un compresor de aire situado na parte de traseira do usuario. Conor Walsh, líder do equipo que deseñou e construíu este traxe, quere integrar o sistema na roupa para crear vestimentas de Soft Exosuit e permitir o alcance cara a todos. Desta maneira, este dispositivo podería chegar a ser un activo invaluable para axudar, ademais dos soldados, aos traballadores de construción ou aos atletas nos seus exercicios de rutina. Tamén poderán usalos aquelas persoas que sufran de lesións musculares ou que se atope en estados de rehabilitación.


Para ver a noticia completa pica aquí.

Tema: Xeral
Fonte: Innovaticias
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal