A Fundación Vodafone España, de acordo ao seu obxectivo fundacional de contribuír ao desenvolvemento de coñecementos sobre o sector das telecomunicacións, promove a realización duns premios que sirvan de incentivo ao desenvolvemento e a innovación de propostas tecnolóxicas, tanto na súa fase de estudo coma no da súa posta ao servizo da sociedade.

O seu obxectivo é apoiar a aparición de produtos e servizos innovadores que poidan ter unha ampla repercusión na Sociedade da Información polo seu interese, novidade, accesibilidade para todos e que conten co soporte tecnolóxico das telecomunicacións.

O xurado ten decidio que os gañadores da VII edición dos Premios Vodafone á Innovación en Telecomunicacións sexan:

• Premio ao desenvolvemento de "Aplicación Mobile for Good": O proxecto DOA, Detección de Obstáculos Aéreos, desenvolvido polo Laboratorio de Investigación en Visión Móbil (MVRLab) da Universidade de Alicante e a Empresa Neosistec. DOA é unha solución de mobilidade para invidentes baseada en dispositivos móbiles, que complementa ao bastón ou ao can guía, suplindo a incapacidade de ambos os dous sistemas para detectar obstáculos aéreos. A aplicación fai uso para localizar os obstáculos. Trátase da primeira aplicación para móbiles que utiliza esta tecnoloxía en tempo real, que supón unha nova vía para resolver distintos problemas de mobilidade, xa que permite tomar medidas reais cun móbil.


• Premio ao proxecto de "Solución TIC Mobile for Good": Proxecto AAV, Autoxestión da Actividade Voluntaria, presentado por Cruz Vermella Española. A iniciativa busca favorecer a dispoñibilidade do voluntariado de Cruz Vermella, a optimización da xestión da actividade e, fundamentalmente, a autoxestión por parte do voluntariado tamén en mobilidade; todo iso algo extremadamente complexo de tratar en tempo real dado que contan con miles de voluntarios/ás. 


• Premio ao "Emprendedor Social TIC": Proxecto GREENBOX, creado pola empresa GreenBoxSpain. GREENBOX é un desenvolvemento que aborda o sector da reciclaxe mediante un sistema de Reverse Vending que se vale de 1) equipos de Reverse Vending, que permiten automatizar a reciclaxe, podendo saber cantos e que envases se recollen nas nosas instalacións de forma instantánea; e 2) unha pantalla táctil cun software interactivo desenvolvido de ex profeso, que baixo a premisa de "1 envase =1 punto" permite ao usuario (reciclador) cambiar in situ, estes puntos conseguidos por descontos en tendas e/ou en promocións das estacións de servizo, centros comerciais, etc...

A Fundación Vodafone España decidiu tamén outorgar un accésit ao proxecto PIKTOPLUS, presentado por Limbika Assistive Technologies SL, que consiste nun sistema de comunicación aumentativa e/ou alternativa (SAAC) baseado en pictogramas. O valor diferencial de PiktoPlus é a integración de pictogramas 3D, o que permite a personalización dun Avatar que á súa vez repercute sobre a conversión dos propios pictogramas en 3D. Colectivos que poden ver os seus niveis de comunicación mellorados: Persoas con Parálise Cerebral; Persoas coa Síndrome do Espectro do Autismo; Persoas con Síndrome de Down; Persoas coa Síndrome X-frágil; Persoas con Dano Cerebral Adquirido (Trauma/Ictus); Nenos en atención temperá (Reforzo); Persoas con Esclerose Múltiple (Fase avanzada).

Por último, decidiuse conceder unha mención especial á Fundación CNSE pola súa constancia no uso das TIC para cumprir a súa misión.

O xurado desta VII Edición estivo formado por Elisa Robles, Directora Xeneral de CDTI, Therese Jamaa-Froger, Qualcomm Services Business Development Director, Ricardo Gabarró, Director de I+D+i de Eulen, Francisco López Ferreras, Director da Fundación Xeral da Universidade de Alcalá, Carlos Barrabés, Experto en TIC, Unai Labirua, Director de I+D de Tecnoloxía Global de Vodafone; José Luis Cuerda, Director de Mercadotecnia Segmentos de Vodafone España e Mª Satur Torre, Directora de Innovación da Fundación Vodafone España.