Xunta de Galicia Voluntariado Dixital

Inicio > A Rede > Novas
Acto de presentación da aula EDYTA.

A Xunta pon en valor a creación dunha aula formativa por Secretariado Gitano para a capacitación dixital de mulleres en risco de exclusión

Versión para impresiónSend by email
Lugo, 04/05/22 (14:08)

A secretaria xeral da Igualdade, Susana López Abella, participou hoxe no acto de presentación da aula EDYTA, que a entidade Secretariado Gitano está a desenvolver na súa sede luguesa para promover a empregabilidade de mulleres en risco de exclusión.

López Abella puxo en valor a iniciativa, que favorecerá a inclusión social e a incorporación profesional das mulleres a través do desenvolvemento das súas capacidades dixitais. Doce mulleres están a tomar parte no programa desde o pasado marzo e completarán a súa formación no mes de xuño, co obxectivo de que a tecnoloxía lles permita mellorar a súa calidade de vida.

EDYTA é un proxecto pedagóxico de carácter estatal promovido pola Fundación Orange en torno á educación e á transformación dixital que está a afectar ao mercado laboral. Diríxese tanto a entidades do Terceiro Sector como a diferentes administracións que traballan con colectivos femininos en situación de vulnerabilidade, risco de exclusión e baixa empregabilidade.

Tema: Xeral
Fonte: Xunta de Galicia
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal