Xunta de Galicia Voluntariado Dixital

Inicio > A Rede > Novas
PassCOVID.

A Xunta pon en marcha a aplicación PassCOVID, unha canle de contacto telemática cos cidadáns para facilitar a xestión da pandemia

Versión para impresiónSend by email
Santiago de Compostela, 15/10/20 (17:29)
  • Feijóo explica que complementará a app estatal RadarCOVID, con novas funcionalidades grazas á colaboración voluntaria de la cidadanía
  • Destaca que ofrecerá información actualizada, facilitará o labor dos rastrexadores e permitirá rexistrar cun código QR os establecementos visitados
     

O presidente da Xunta, Alberto Núñez Feijóo, destacou hoxe, na rolda de prensa do Consello, a posta en marcha desde o vindeiro sábado 17 de outubro da aplicación PassCOVID, unha canle de contacto telemática cos cidadáns para facilitar a xestión da pandemia.

Un novo instrumento de apoio na loita contra a pandemia, que ofrece un contacto directo cos cidadáns e que, tal e como explicou, complementará á app estatal RadarCOVID, ofrecendo outras moitas funcionalidades grazas á colaboración voluntaria dos cidadáns.

Así, en primeiro lugar, PassCOVID ofrecerá información actualizada da situación da pandemia en toda a Comunidade, coa opción de seleccionar o concello que lle interese ao usuario para consultar as restricións e medidas vixentes nese momento. E comunicará sobre as alertas, os avisos e as recomendacións que as autoridades sanitarias emitan sobre a evolución da covid-19.

En segundo lugar, e se o usuario foi identificado como contacto estreito ou diagnosticado con covid-19, este poderá informar a través da app aos seus contactos estreitos, facilitando así o labor dos rastrexadores. Ademais, poderá rexistrar aqueles establecementos onde estivera mediante o uso dun código QR específico, dispoñible en cada local para este fin.

A maiores, esta nova aplicación ofrecerá tamén acceso a ferramentas do Servizo Galego de Saúde para o seguimento da enfermidade en pacientes que se atopan nos seus domicilios; así como acceso ao rexistro de viaxeiros para aquelas persoas que chegan á Comunidade procedentes de zonas de alta incidencia do virus.

Tema: Xeral
Fonte: Xunta de Galicia
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal