Xunta de Galicia Voluntariado Dixital

Inicio > A Rede > Novas
Cartel dá iniciativa.

Google Maps mostrará os lugares accesibles para persoas con discapacidade

Versión para impresiónSend by email
Santiago de Compostela, 26/05/20 (08:00)

Google segue apostando por mellorar a accesibilidade da súa tecnoloxía para facilitar o uso e a mobilidade das persoas con discapacidade. A súa última innovación en Google Maps é Accessible Places, que destacará aqueles establecementos accesibles para os visitantes.

Desta forma Google recompila información sobre a accesibilidade dos edificios e locais, para que as persoas con discapacidade poidan coñecer desde un primeiro momento se poderán facer uso das instalacións.

A compañía apunta que esta tecnoloxía xa está dispoñible en Estados Unidos, Australia, Xapón e o Reino Unido, aínda que está a traballar en ampliar esta lista de países.

Por agora, esta tecnoloxía ofrece información de accesibilidade de máis de 15 millóns de lugares ao redor do mundo, grazas aos datos achegados por 120 millóns de guías locais e outras fontes de información que colaboraron con Google.

Tamén son os propios establecementos os que poden engadir esta información sobre accesibilidade para informar os seus visitantes sobre a súa adaptación para persoas con discapacidade.

Tema: Xeral
Fonte: Tecnobility
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal