Xunta de Galicia Voluntariado Dixital

Inicio > A Rede > Novas
Acto de sinatura dun acordo recente entre AEMOS e R.

R achega tarxetas e plans de datos para facilitar a formación de mulleres vítimas de violencia de xénero

Versión para impresiónSend by email
Mos, 15/05/20 (08:24)

operadora galega R segue adiante co seu labor solidario-tecnolóxico para facer fronte aos efectos da pandemia. Este xoves 14 deu a coñecer que vai achegar tarxetas e plans de datos de 20 GB para facilitar a formación e a orientación laboral que a Asociación de Empresarios de Mos (AEMOS) leva a cabo con 31 mulleres vítimas de violencia de xénero na comarca de Vigo. O material é de balde para as persoas beneficiarias. O obxectivo é facer avanzar a súa inserción laboral a través do emprego de tecnoloxías.

A iniciativa forma parte dun programa de colaboración que xa ven de antigo entre a operadora e a asociación de Mos. O fornecemento de recursos tecnolóxicos canalízase a través do programa Insere Activa 4, que financia a Secretaría Xeral de Igualdade da Xunta de Galicia e desenvolve AEMOS, achegando a máis de trinta mulleres formación, seguimento e orientación laboral co “fin último de multiplicar as súas oportunidades de inserción no mercado laboral”. Segundo explica R, esta iniciativa chega nun intre crítico para todos os colectivos que loitan por superar a crise sanitaria e económica: “Nunha conxuntura extraordinaria como a que estamos a vivir, onde o emprego pasa por momentos de grande incerteza, con gran cantidade de traballadores en situación de ERTE ou desemprego. A situación é aínda máis grave no caso de colectivos desfavorecidos, ou con maiores barreiras no acceso ao mercado laboral, como ocorre con estas mulleres vítimas da violencia de xénero”. A compañía galega de cable engade, a respecto das motivacións desta iniciativa solidaria, “que a formación camiña necesariamente da man das novas tecnoloxías, o que nos sitúa ante un reto descoñecido, inédito nas nosas vidas. Non podemos permitir que ninguén quede atrás neste camiño, e moito menos nun período tan extraordinario como este onde as telecomunicacións convertéronse por activa e por pasiva nun recurso esencial”.

Tema: Xeral
Fonte: Código Cero
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal