Xunta de Galicia Voluntariado Dixital

Inicio > A Rede > Novas
Pantallazos da app "SafeWalkNearby".

Investigadores da UPC crean unha aplicación para monitorar as saídas con nenos

Versión para impresiónSend by email
Barcelona, 12/05/20 (08:43)

O Data Management Group (DAMA-UPC) da Universidade Politécnica de Cataluña (UPC) e a spin-off Sparsity desenvolveron a aplicación "SafeWalkNearby" para axudar a monitorar o tempo e a distancia das saídas con menores de 14 anos no espazo público durante o período de confinamento.

A app "SafeWalkNearby" foi deseñada pola spin-off Sparsity Technologies, fundada polo grupo DAMA da Universidade Politécnica de Cataluña, co obxectivo de dar unha resposta inmediata a consultas complexas en bases de datos inmensas.

Trátase dunha app gratuíta, xa dispoñible en Google Play, que garante a privacidade dos datos, pois só funciona no dispositivo móbil do usuario e non está conectada a ningún servidor.

Monitoraxe do tempo e a distancia

"SafeWalkNearby" sinala a área dun quilómetro con respecto ao domicilio na que están permitidos os paseos con menores de 14 anos e monitora a distancia a través dun mapa interactivo en todo momento.

Así mesmo, a aplicación permite rexistrar o tempo que duran os paseos e envía avisos para alertar de que se superou o tempo máximo dunha hora ou a distancia dun quilómetro percorrida, así como indica cando hai que emprender o camiño de volta a casa.

Tema: Xeral
Fonte: esmartcity.es
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal