Xunta de Galicia Voluntariado Dixital

Inicio > A Rede > Novas
Ferramenta dixital que permite medir e comprobar a lonxitude dos desprazamentos.

A Xunta pon a disposición da cidadanía unha ferramenta dixital para poder medir os desprazamentos autorizados

Versión para impresiónSend by email
Santiago de Compostela, 02/05/20 (12:18)
  • O visor está dispoñible na web de información xeográfica de Galicia, dependente do Instituto de Estudos do Territorio e co apoio e colaboración da Axencia para a Modernización Tecnolóxica de Galicia

A Xunta de Galicia pon a disposición da cidadanía unha ferramenta dixital que permite medir e comprobar a lonxitude dos novos desprazamentos autorizados polo Goberno nos últimos días. Deste xeito, a través do visor básico dispoñible na páxina web de información xeográfica de Galicia, o Instituto de Estudos do Territorio (IET), en colaboración coa Axencia para a Modernización Tecnolóxica de Galicia, ofrecen aos cidadáns a posibilidade de calcular con precisión o radio no que poden desprazarse e planificar así as súas saídas.

A Consellería de Medio Ambiente, Territorio e Vivenda, da que depende o IET, considera que esta ferramenta online pode resultar útil logo da publicación da Orde do 25 de abril que regula os desprazamentos da poboación infantil durante a crise sanitaria do coronavirus e os condiciona e limita a un radio dun quilómetro con respecto ao domicilio do menor. Ademais, cómpre ter en conta que desde hoxe o Goberno autoriza tamén as saídas para practicar deporte de forma individual ou dar paseos en familia.

Os usuarios interesados en utilizar esta ferramenta teñen dúas formas de calcular as distancias. A primeira consiste en fixar directamente sobre o mapa cun punteiro a localización do lugar de residencia e establecer a partir de aí o radio máximo de desprazamento.

A outra opción é calcular directamente a través da pestaña Medidas un percorrido concreto seguindo os propios viarios.

Tema: Xeral
Fonte: Xunta de Galicia
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal