Xunta de Galicia Voluntariado Dixital

Inicio > A Rede > Novas
Fotografía dun reloxo Resetea mostrando distintos pictogramas.

Unha tecnoloxía moi especial que axuda a xestionar o tempo a nenos con TEA

Versión para impresiónSend by email
Santiago de Compostela, 10/12/19 (11:36)

Hai anos coñecemos o proxecto do profesor de educación especial Andrés Collazos, chamábase Resetea e consistía nun reloxo que grazas á tecnoloxía facilitaba a xestión dos horarios e o tempo a nenos con trastorno do espectro autista (TEA) ou cunha discapacidade intelectual ou cognitiva.

Agora, Resetea converteuse en toda unha realidade da man de BJ Adaptaciones, que se aliou con Collazos para levar a súa idea ao mercado, non só español, senón en catro continentes diferentes.

Resetea é un reloxo que mediante sinais luminosos permite visualizar en calquera momento a tarefa que se está realizando, canto tempo queda para que conclúa e cales son as seguintes actividades que están previstas.

Os usuarios poderán programar secuencias con ata 12 actividades distintas, cada unha co seu tempo específico.

Para iso, só é necesario colocar diante da pantalla do reloxo unha lámina con pictogramas ou fotografías que representen a actividade que se vai a realizar, e será o propio Resetea o que irá indicando o transcurso do tempo.

Este reloxo está especialmente deseñado para nenos con TEA, para aqueles con unha discapacidade cognitiva ou intelectual, e tamén para as persoas maiores con demencia ou idade temperá.

Tema: Xeral
Fonte: Tecnobility
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal